The Grand Budapest Hotel (2014) မြန်မာစာတန်းထိုး

ဒီတစ်ခေါက်အတွက်တော့ IMDb Rating မှာ 8.1 ရရှိထားပြီး Rotten Tomatoes 92% အထိ

ရရှိထားတဲ့ ဇာတ်ကားကောင်းလေးတစ်ကားနဲ့ မိတ်ဆက်ပေးလိုက်ပါတယ်....

ကြည့်ရတာအရသာရှိရှိနဲ့ကြည့်ချင်ရင်တော့ Review ကိုသေချာလေးဖတ်ဖို့အကြံပေးလိုက်ပါတယ်

Republic of Zubrowka ဆိုတဲ့ ဥရောပနိုင်ငံငယ်လေးရဲ့ ကုန်းပြင်မြင့်တစ်နေရာ၊ ဆီးနှင်းများအကြားမှာ The Grand Budapest Hotel ကြီး ထီးထီးမားမားတည်ရှိလို့နေပါတယ်။ စစ်ဒဏ်၊ ဆင်းရဲမွဲတေမှုဒဏ်တွေကြောင့် ဟိုတယ်ကြီးဟာ ဧည့်သည်အနည်းငယ်နဲ့ပဲ လည်ပတ်နေရပါတယ်။ ဟိုတယ်ကြီးရဲ့ ပိုင်ရှင်အဘိုးကြီး Zero Moustafa ဟာတစ်နှစ်မှာတစ်ခါ ပေါက်ချလာတတ်တယ်။ သူလာတဲ့အခါတိုင်းလည်း ကောင်းပေ့ဆိုတဲ့အခန်းတွေမှာမတည်းဘူး။ လူတစ်အိပ်စာအခန်းကျဉ်းလေးထဲအမြဲတည်းတယ်။ ဒီလျို့ဝှက်တဲ့ပိုင်ရှင်ကြီးနဲ့ ဟိုတယ်ကြီးတို့ရဲ့အတိတ်မှာဘယ်လိုဇာတ်လမ်းတွေရှိခဲ့သလဲ..........

တစ်ခါကတော့ Zero Moustafa ဟာ ဟိုတယ်ကြီးရဲ့ Lobby boy တစ်ယောက်။ ဟိုတယ်ကြီးရဲ့မန်နေဂျာ Monsieur Gustave H. က Zero ကို lobby boy တစ်ယောက်သိသင့်သိအပ်တာအကုန် လက်ထပ်သင်ကြားပေးတယ်။ Gustave H. ဟာ အသက်ကြီးကြီးအဘွားကြီးတွေကိုလည်း စိတ်ဝင်စားတတ်သူတစ်ယောက်ဖြစ်ပါတယ်။ Gustave H. ရဲ့ဇယားတွေထဲမှာ Madame D ဆိုတဲ့သန်းကြွယ်အဘွားကြီးလည်းအပါအဝင်ပေါ့။ တစ်ရက်တော့ Madame D ဟာ ဘာအကြောင်းကြောင့်မှန်းမသိ ရုတ်တရက်သေဆုံးသွားတယ်။ Madame D ရဲ့အရပ်ရပ်ကဆွေတော်မျိုးတော်တွေကလည်း အမွေအတွက်အသီးသီးလာရောက်စုရုံးကြတော့တယ်။ 

အမွေတွေထဲမှာတန်ဖိုးအရှိဆုံးကတော့ Boy with Apple ဆိုတဲ့ပန်းချီကားကြီးပါ။ ဖြစ်ချင်တော့ Madame D ဟာ သူ့ရဲ့သေတမ်းစာမှာ ပန်းချီကားကို အသည်းကျော် Gustave H. အတွက်ဆိုပြီးချန်ထားခဲ့လေတယ်။ Madame D ရဲ့သား Dmitri အပါအဝင် ဆွေမျိုးအပေါင်းရဲ့ဒေါသဟာ Gustave H. အပေါ်ကျရောက်သွားလေတော့တယ်။ Gustave H. နဲ့ Zero တို့လည်း ပန်းချီကားကြီးကိုခိုးယူပြီး Grand Budapest မှာဖွက်ထားလိုက်တော့တယ်။ နောက်တစ်ရက်မှာတော့ Madame D ကိုသတ်ပါတယ်ဆိုပြီး ရဲတွေက Gustave H. ကိုလာဖမ်းသွားတဲ့အခါ.........ဆရာတပည့်နှစ်ယောက် အမှန်တရားအတွက်ဘယ်လိုဆက်လှုပ်ရှားကြမလဲ။ လောဘ၊ ဒေါသ၊ အချစ်၊ သစ္စာ၊ ကြည်နူးစရာ၊ ဝမ်းနည်းစရာတို့နဲ့ခြယ်မှုန်းအပ်တဲ့ ဇာတ်လမ်းလေးတစ်ပုဒ် ဖြစ်လာခဲ့ပါတော့တယ်................။

လက်ရှိ Hollywood ရဲ့မျိုးဆက်သစ်ဒါရိုက်တာတွေထဲမှာ Paul Thomas Anderson, Benneth Miller, Christopher Nolan, Darren Aaronofsky စသူတွေနဲ့အတူ အရေးတယူစောင့်ကြည့်ရမယ့်ဒါရိုက်တာတစ်ယောက်အဖြစ် Wes Anderson ကိုသတ်မှတ်လို့ရပါတယ်။ The darjeeling limited, The royal Tenenbaums, Fantastic Mr.Fox, Moonrise Kingdom စတဲ့ဇာတ်ကားကောင်းပေါင်းများစွာကိုရိုက်ကူးခဲ့တဲ့ Wes Anderson ရဲ့ လက်ရှိအချိန်အထိအကောင်းဆုံးလက်ရာဆိုရင်ဒီကားကိုပဲ ကျွန်တော်ညွှန်းရပါလိမ့်မယ်။

 Wes Anderson ဟာ သူ့ဟန်၊ သူ့စတိုင်နဲ့ခိုင်မာစွာရပ်တည်နေတဲ့ ဒါရိုက်တာတစ်ယောက်ပါ။ သူ့ဇာတ်ကားတစ်ကားကိုအလယ်ကဖောက်ကြည့်လိုက်ရုံနဲ့ ဒါ Wes Anderson လက်ရာပဲလို့ပြောနိုင်လောက်တဲ့အထိ unique ဖြစ်တဲ့သူပါ။ သူ့ကားတွေကြည့်ဖူးရင်သိပါလိမ့်မယ်။ လျင်မြန်တဲ့အခန်းအကူးအပြောင်းတွေ၊ သရုပ်ဆောင်တွေရဲ့ fast motionတွေ၊ ဆန်းပြားတဲ့ story telling တွေက Wes Anderson ရဲ့ trademarks တွေပါပဲ။ သူ့ကားတွေကြည့်ရင် တစ်ကားလုံးပြုံးနေ၊ ရယ်နေရဖို့အာမခံပါတယ်။

ဒီကားဟာလည်းထုံးစံအတိုင်း သွက်သွက်လက်လက်နဲ့ ရွှင်မြူးဖွယ် comedy တစ်ကားပဲဖြစ်ပါတယ်။ Gustave H. အဖြစ် Ralph Fiennes ကခေါင်းဆောင်ပါဝင်ထားပြီး ပြောင်မြောက်တဲ့သရုပ်ဆောင်မှုကိုပြသနိုင်ခဲ့ပါတယ်။ ဟိုတစ်နေ့ကထွက်ရှိခဲ့တဲ့အော်စကာဆန်ခါတင်စာရင်းမှာ Nightcrawler က Jake Gyllanhaal နဲ့အတူ ပြုတ်ကျန်ခဲ့ရတာတော့စိတ်မကောင်းစရာပါပဲ။ Zero အဖြစ်သရုပ်ဆောင်တဲ့ မျက်နှာသစ်လေး Tony Revolori ကိုလည်းချီးကျူးချင်ပါတယ်။ သူ့ရဲ့ သရုပ်ဆောင်ချက်တွေက ဇာတ်ကားရဲ့ ဟာသအတွက် အရေးပါခဲ့ပါတယ်။ သူတို့အပြင် နောက်ထပ် Jude Law, Adrien Brody, Jason Schwartzman, Owen Wilson, Tilda Swington, Saoirse Ronan, Lea Seydoux, Tom Wilkinson, Jeff Goldblum, Willem Dafoe, Bill Murray, Edward Norton စတဲ့ သရုပ်ဆောင်ပေါင်းများစွာပါဝင်ထားပါတယ်။

ဒီကားရဲ့နောက်ထပ်ထူးချွန်တဲ့အချက်ကတော့ Production design ပါပဲ။ Grand Budapest hotel ကြီးအပါအဝင် အခန်းတော်တော်များများဟာ အိပ်မက်ကမ္ဘာတစ်ခုထဲရောက်နေရသလို ဆန်းပြားတဲ့အမြင်အာရုံကိုရရှိစေမှာပါ။ Wes Anderson ဟာ ဟိုတယ်ကြီးအတွက် Miniatures ရုပ်တွေကိုအသုံးပြုခဲ့ပါတယ်။ ပရိသတ်က အတုပဲဆိုတာသိနေမှာပဲဆိုတော့ CGI တို့သုံးမယ့်အစား old-fashioned ဖြစ်တဲ့ miniatures တွေကိုပဲသုံးချင်ပါတယ်တဲ့။ Set decoration နဲ့ production design အတွက်ကျွန်တော်ကတော့ အမှတ်ပြည့်ပေးမိပါတယ်။ Oscar nominations မှာလည်း best picture, best director, best cinematography, best editing, production design, best original screenplay ဆုတွေအပါအဝင် ကိုးဆုအတွက် ဆန်ခါတင်ပါထားပါတယ်။ Best picture အတွက် Birdman, Boyhood တို့နဲ့ယှဉ်ရင် အခွင့်အရေးနည်းတယ်ဆိုနိုင်ပေမယ့် Golden Globe မှာ Best picture comedy/musical ဆုကိုပူပူနွေးနွေးရရှိထားတော့ မျှော်လင့်လို့ရပါတယ်။

Wes Anderson ရဲ့ကားတွေကိုကြည့်ရတာ လူကိုပျော်ရွှင်စေပါတယ်။ ဒီဒါရိုက်တာရဲ့ရည်ရွယ်ချက်ဖြစ်ချင်မှတော့ဖြစ်မယ်။ ကျွန်တော့်အမြင်တော့ သူ့ရဲ့ကားတွေဟာ လောကကြီးမှာ အဖြစ်အပျက်အရာရာအတွက် ပိုပေါ့ပါးတဲ့၊ ပိုကြည်နူးစရာကောင်းတဲ့ အမြင်တစ်မျိုးရှိသေးတယ်ဆိုတာကို သတိပေးနေသလိုပါပဲ။ ဒီကားလေးကိုကြည့်ပြီး ကြည်နူးမှုတွေရရှိသွားနိုင်ဖို့ ညွှန်းလိုက်ရပါတယ်။

( Review ကို Movies-we watch,we feel Facebook Page မှ ကူးယူတင်ပြပါသည် )

Filesize : 718 MB
Quality : Blu-ray 720p
Format : mp4

During : 1:39:42

Subtitles : Myanmar Subtitles ( Hardsub )
Encoder : LK

Download And Watch With Pcloud Link ( 718 MB )
>>>>>>>>>>>>>><<<<<<<<<<<<<<<<<